recent
أخبار ساخنة

فودافون كاش بكافة تفاصيلها (دليلك الشامل عن محفظة فودافون عام 2021)


خدمة فودافون كاش خدمة رائدة وجيدة للغاية ، و تعتبر من أهم الخدمات في تحويل الأموال بسهولة ، عند الإشتراك بها يكون لك محفظة على حسابك، تستطيع أن تترك المال عليها ، لتستخدمة في شحن رصيد لنفسك أو لغيرك ، و دفع فواتر مثل فواتير الكهرباء أو المياه أو الغاز ، والتبرع للمؤسسات الخيرية ،ويمكنك سحب المال منها في اي وقت،وكل ذلك و أنت في المنزل ، انا احمد نبيل من موقع مشروع  سأقدم لك في المقالة :
  • ما هي خدمة فودافون كاش ؟ 
  • من يستطيع استخدام خدمة فودافون كاش؟
  • ازاي اعمل  فودافون كاش سواء من المنزل او احد فروع فودافون او البنك الأهلي المصري؟ 
  • كيفية الايداع في فودافون كاش ؟
  • كيفية سحب الاموال في خدمة كاش ؟
  • أكواد فودافون كاش .
  • ما هي رسوم خدمة تحويل الاموال والسحب في فودافون كاش ؟
  • ازاي ادفع اونلاين مع خدمة فودافون كاش؟
  • ما هي مميزات فودافون كاش؟
  • ما هي عيوب فودافون كاش ؟
فودافون كاش خدمة سحب و تحويل الاموال ،دليلك الكامل عن محفظة فودافون في عام 2021 .



ما هي فودافون كاش او محفظة فودافون ؟

هي محفظة الكترونية على موبايلك بتوفرها ليك شركة فودافون و اللي من خلالها تقدر تعمل سحب وايداع لاي فلوس و تخلي فلوسك فيها  و تستخدمها أو تسحبها في آي وقت ومن آي مكان بدوسة ، و بتعتبر من أسهل وأسرع وأضمن طريقة تبعت وتستقبل بيها فلوس ، كما يمكن استخدامها كبطاقة صراف آلي عادية بالأضافة الي مزايا أخرى سنتحدث عنها في السطور القادمة .

من يستطيع استخدام خدمة فودافون كاش؟

عملاء الكارت
عملاء الفاتور
عملاء البيزنس 

ازاي اشترك في فودافون كاش ؟

 تقدر تشترك بفودافون كاش  ب 3 طرق بسيطة وسهلة ،فممكن تحصل علي خدمة كاش من  المنزل او فرع فودافون او البنك الأهلي ، هنشرحهم في السطور التالية كل اللي عليك انك تختار الطريقة الانسب لك .

ازاي اعمل محفظة فودافون كاش من البيت ؟
قاعد في البيت و عايز تخلص معاملاتك المالية ، مع فودافون تقدر تفتح المحفظة بشكل مؤقت ببلاش من مكانك عن طريق خط فودافون المسجل ببطاقتك  علشان  تسمتع بكل خدمات و عروض فودافون كاش .

خطوات عمل فودافون كاش من البيت

كلم #9* ( نجمة تسعة شباك )

ادخل رقم بطاقتك اللي انت مسجل بيه رقم التليفون

انشئ رقم سري

تهانينا لقد انشأت محفظتك بنجاح ، الان تستطيع استلام أموالك والتحويل منها والشراء أونلاين عبر الانترنت في أي وقت  لمدة 3 شهور من تاريخ الاشتراك .

عمل فودافون كاش من فرع فودافون 

توجه إلى أقرب فرع لشركة Vodafone
اخبرالموظف المختص في الفرع برغبتك في فتح حساب Vodafone Cash جديد 
قدم البطاقة (اثبات الشخصية )  للموظف ، و سيقوم بتسجيل بياناتك 
ستصلك رسالة لتأكيد الإشتراك وسيُطلب منك من خلال الرسالة إنشاء رقم سري للمحفظة مكون من 6 أرقام( لا تخبر به احد 
سيطلب منك موظف الفرع الاتصال بـ #5*9* (نجمة 9 نجمة 5 شباك) لتشغيل الخدمة وتفعيلها على رقمك .
الان يا عزيزي تمتلك محفظة  صلاحيتها مدى الحياة .

طريقة الاشتراك في خدمة فودافون كاش بالبنك الأهلي المصري

البنك الأهلي المصري يقدم لعملائه محفظة فودافون كاش بالتعاون مع شركتي ماستر كارد و فوري دون الحاجة لامتلاك حساب مصرفي جاري .
خطوات الاشتراك في محفظة فودافون كاش بالبنك الأهلي ، والمستندات المطلوبة لذلك:

  1. توجه إلى أقرب فروع البنك الأهلي .
  2. قُم بإخبار موظف الاستقبال بإنك تريد الاشتراك في خدمة محفظة فودافون كاش .
  3. قدم صورة من بطاقة الرقم القومي سارية المفعول، ورقم الهاتف الذي ستقوم بالتسجيل في الخدمة من خلاله.
  4. قُم بملء الاستمارة الخاصة بطلب الاشتراك في خدمة فودافون كاش، التابعة للبنك الأهلي المصري.
  5. عقب الانتهاء من الكتابة، قُم بمراجعة بياناتك الشخصية مع موظف البنك.
  6. ستصلك رسالة تأكيد اشتراكك في الخدمة على هاتفك المحمول.
  7. قُم بتحميل تطبيق محفظة فودافون كاش.
  8. بعد انتهاءك من تحميل التطبيق وتثبيته على الهاتف، ستتلقى رسالة تفيد بتفعيل حسابك على فودافون كاش بنجاح.
  9. ستتلقى رسالة أخرى تتضمن كلمة المرور الخاصة بحسابك على فودافون كاش، والمكونة من ٤ أرقام.
  10. قُم بتسجيل الدخول إلى حسابك الخاص، ثم تغيير كلمة المرور لتأمين الحساب .

كيفية الايداع في فودافون كاش ؟

 اتاحت فودافون لك ايداع فلوس في محفظتك بطرق عديدة وسهلة ، و وفرت عليك العناء و سهولة ادخار اموالك من خلال وضعها في حسابك عن طريق FAWRY او ماكينة ATM ، ساوضح لك كل هذة الطرق .
 

ايداع فودافون كاش من فوري

لخصت لك طريقة تحويل فودافون كاش من فوري في 7 خطوات وهي كالاتي 

  • قُم بالتوجه إلى الاماكن التي يتوفر بها ماكينة فوري مثل المتاجر او المحلات التجارية
  • يدخل مالك الماكينة على خدمة المعاملات المالية والبنوك ضمن الخدمات الموجودة في ماكينة فوري
  • يختار vodafone cas
  • يختار من بين الخدمات المعروضة على شاشة الماكينة خدمة إيداع فودافون كاش وكود الخدمة الخاص بها هو 204
  • يكتب مرتين رقم المحفظة (رقم موبايل مالك المحفظة) ثم يقوم بالتأكيد على الرقم السري من خلال كتابتها مرة أخرى في حقل التأكيد.
  • يحدد المبلغ المراد إيداعه في محفظة فودافون كاش، وينبغي أن تقوم بالتأكيد على العملية باستخدام هاتفك المحمول
  • يتم خصم المبلغ من رصيد ماكينة فوري، وستصلك رسالة نصية على هاتفك تُفيد بنجاح عملية إيداع فودافون .
ملاحظة :
  • في حالة عدم استلامك لرسالة التأكيد على إتمام العملية؛ فينبغي عليك الاتصال على كود *٩٠٠*٢#
  • في حالة أنك تريد استرجاع الأموال ، أو إلغاء عملية الإيداع، قُم بالاستعلام عن عملية الإيداع، من كود الاستعلام وهو ٢٠٥ وقُم بكتابة الرقم المرجعي  و ستتمكن من استرجاع مالك و اضافته لرصيدك في أقل وقت ممكن .

ايداع فودافون كاش عن طريق فرع فودافون

  1. اذهب الي أقرب فرع  فودافون أو أحد الموزعين المعتمدين له.
  2. اعطي الموظف الرقم السري لمحفظة فودافون الخاصة بك
  3. بلغ الموظف بالمبلغ الذي ستودعه و سلم له المبلغ .
ملحوظة :يُمكنك إيداع الأموال في محفظة فودافون كاش بحد أقصى للإيداع شهريًا يصل إلى ٥٠ ألف جنيه .

ايداع فودافون كاش من ATM

تقدر عزيزي القارئ تعمل ايداع فودافون كاش ATM بخطوات سهلة وبسيطة الخصها لك كالاتي 

توجهة الي أقرب فرع بنك يوفر خدمة فودافون كاش، ومن تلك البنوك: “بنك القاهرة، البنك الأهلي ، بنك عوده مصر، بنك مصر، بنك الإسكندرية"
قُم بإدخال الفيزا الخاصة بك في الصراف الالي .
اختار الخدمات النقدية مع مراعاة ان ليست كل اجهزه الصراف الالي او ماكينه ATM توفر اختيار الخدمات النقدية 
اختر خدمة الإيداع، ثم قُم بإدخال رقم الهاتف المحمول الخاص بك في الخانة المُخصصة لذلك .
أدخل الرقم السري الخاص بمحفظة فودافون كاش. 
ادخل رقم مبلغ الايداع بداية من 20 جنيه كحد ادني وحتى 6000 جنيه كحد اقصى .

مبروك تمت العملية بنجاح .

كيفية سحب الاموال من فودافون كاش ؟

عزيزي القارئ يمكنك سحب فلوس من رصيد فودافون المتواجد في حسابك بطريقتين اولهما السحب من خلال اقرب فرع فودافون لك او الصراف الالي ، نوضحها في السطور الاتيه : 

خطوات سحب رصيد فودافون كاش عن طريق ATM 

  1. كلم #9*.
  2. اختار خدمة السحب من خلال ماكينة  ATM.
  3. ادخل المبلغ المراد سحبة بحد أقصى 6000 جنيه.
  4. ادخل الرقم السري 
  5. سوف تصلك رسالة بالرقم السري الخاص بالصراف الالي 
  6. اذهب الي  اقرب بنك لك من البنوك التالية: (بنك الاسكندرية، بنك مصر، البنك الأهلي ، بنك القاهرة، بنك عَوده).
  7. اختار الخدمات النقدية.
  8. اختار خدمة السحب
  9. ادخل رقم الموبايل و الرقم السري الذي وصلك في رسالة.
  10. ادخل المبلغ المراد سحبة
تهانينا لقد اتممت عملية سحب الاموال بنجاح .

ما هي اكواد فودافون  كاش المستخدمة في انشاء المحفظة اواثناء السحب والايداع ؟

اكواد فودافون كاش هي اكواد تستخدمها عزيزي القارئ عندما تبدا في انشاء محفظتك او عندما تريد سحب وايداع الاموال عليك ان تعرفها جيدا و هي كالاتي :  
  • خدمة عملاء فودافون كاش اتصل ب 7001
  • لمعرفة معلومات عن خدمة فودافون كاش وكيفية الاشتراك كلم 7000 مجانا
  • لاستخدام خدمة فودافون كاش اطلب #9*
  •  لانشاء الرقم السري اطلب #5*9* 
  •  لتغيير الرقم السري اطلب #2*9* 
  • لسداد فاتورتك او فاتورة اى رقم فودافون اخر اطلب #القمية*رقم الموبايل*4*9*
  • لتحويل الاموال اطلب #القمية*رقم الموبايل*7*9*
  • لشحن رصيد لرقم فودافون اخر اطلب #القمية*رقم الموبايل*3*9*
  • لو نسيت الرقم السري اطلب #12*9* وادخل الرقم القومي واكتب رقم سري جديد
  • لشحن رصيد لرقمك اطلب #القمية*0*9*
  •  لمعرفة رصيد محفظة فودافون كاش اطلب #13*9* 
  •  للتاكيد على طلب الايداع لمحفظتك اطلب #2*9* او #2*900* وادخل الرقم السري لتاكيد العمليه
  • للتاكيد على طلب السحب من محفظتك اطلب #1*9* او #1*900* وادخل الرقم السري لتاكيد العمليه
  • خدمة الدفع اون لاين لاصدار بطاقات افتراضية اطلب الكود #100*9*

ما هي رسوم  فودافون كاش 2021 علي خدمة التحويل و السحب من المحفظة؟

عندما تقوم بالتحويل من محفظتك الي محفظة آخري يتم خصم 1 جنية من الرصيد المتبقي في محفظتك و ليس الرصيد المحول كما ان شركة فودافون وضعت خصم 50% بشكل مؤقت (اي يتم خصم 0.5 قرش).
اما في حالة قيامك بسحب الأموال ، يتم سحب 2% فقط من أجمالي المبلغ اللي انت عاوز  تسحبه اذا كان فوق ال 150 جنية اما اذا كان المبلغ المحول اقل من 150 جنية فيتم خصم 3 جنية من رصيد فودافون المتبقي و أيضا يتم خصم 50% بشكل مؤقت.
و عندما  تحول لأي رقم فودافون يتم خصم 1 جنية من الرصيد المتبقي لديك وليس الرصيد المحول ، واذا تم التحويل لأي رقم أخر غير فودافون يتم خصم قيمة 2 جنية من الرصيد المتبقي.

ازاي ادفع اونلاين مع خدمة فودافون كاش؟

فودافون وفرت عليك عمل حساب بنكي او ماستر كارد و سهلت عليك مهمة استخراج فيزا وعملتلك فيزا فودافون كاش و هي فيزا افتراضية و اللي من خلالها تستطيع الدفع اونلاين علشان تشتري اللي انت محتاجة من اي موقع سواء جوا او برا مصر مثل موقع جوميا و سوق كوم.  

خطوات عمل فيزا فودافون كاش :

  1. اتأكد انك معاك فلوس في المحفظة تكفي المبلغ اللي عايز تشتري بيه
  2. اطلب #100*9*, ثم  ادخل الرقم السري.
  3. هيوصلك رسالة ببيانات كارت الفيزا
  4. ادخل بيانات الكارت علي الويب سايت و اختر نوع الكارت ماستركارد

عيوب فيزا فودافون كاش

  • الكارت صالح لمدة 24 ساعة و يستخدم  لمعاملة واحدة فقط.
اقرا للكاتب :

ماهي مميزات  خدمة فودافون كاش ؟

عند امتلاكك لمحفظة فودافون كاش فانت الان لديك العديد من الامتيازات التي توفرها لك شركة فودافون دعنا نتعرف عليها من خلال السطور القادمة .

ادفع فواتير البيت مع كاش

دي خدمه مميزه بتوفر عليك الوقت والجهد فمن مكانك تقدر تدفع فواتير البيت كلها سواء كانت فواتير الميه والغاز والكهرباء مصاريف الجامعه وكمان تقدر تجدد رخصتك بخطوات سهله .

اشحن رصيدك وجدد باقتك مع كاش

بكل سهولة يمكنك الاستفادة من رصيدك في فودافون كاش لشحن رصيدك او لاقاربك و اصدقائك وكمان تدفع فاتورة موبايلك وتدفع فاتورة الانترنت وتجدد باقة فيلكسات الشهرية وتشحن بكروت الفكه بقيمة 1.5 جنية و 3.5 جنية وكمان تقدر تحول فلوس من حسابك الى اصحابك او اصدقائك بحد أدني 5 جنيهات وبحد أقصي 6000 جنية .

اشتري اونلاين مع خدمة كاش

اتبرع للمؤسسات الخيرية مع خدمة كاش

ما هي عيوب فودافون كاش ؟

عزيزي القارئ رغم ان شركة  فودافون قدمت خدمة كاش بمميزاتها الضخمة ولكن للاسف لم تخلو هذه الخدمة من العيوب ؛ و الآن سنتعرف على كل العيوب التي يعاني منها معظم عملاء شركة فودافون لتتجنبها.
  1. حدوث بعض المشاكل والأعطال أثناء السحب من ماكينات السحب الفوري (ATM).
  2. توقف الخدمة في بعض الفروع
  3.  لا يتوفر خدمة استرجاع الأموال التي يتم تحويلها بالخطأ
  4. توقف خدمة فودافون كاش مؤقتا دون سابق إنذار بشكل متكرر
  5. زيادة قيمة رسوم استخدام الخدمة كل فترة بلا مبرر
  6. ارتفاع رسوم الاستعلام عن رصيد محفظة فودافون كاش
  7. ارتفاع رسوم سحب الرصيد من محفظة فودافون كاش.
  8.  استغلال موزعين فوري وأمان عملاء فودافون كاش.
و الي هنا عزيزي القارئ اكون قد شرحت لك معظم ما تريدة من معلومات عن خدمة فودافون كاش ، ولكن اذا استعصي عليك فهم اي معلومة يمكنك محادثتنا من خلال صفحة تواصل معنا
جميع الحقوق محفوظة الي موقع مشروع 

google-playkhamsatmostaqltradent